[size=25]ماهو الجل ؟؟؟؟
و ما اهميته؟؟؟؟
اكثر مادة مهمة بالنسبة للجنس المو لطيف واللي يمثل عصب الحياة عدهم
وهو يعادل اهمية البترول للدول الصناعية وشوية اقل اهمية من الكهرباء و الغاز …
"الجل"
هو المستحضر السحري والسائل العجيب ذو الفوأئد الخمسة عشر
فهو يرافق الولد من الروضة الى ان يصير اصلع وطبعا هذا الجل هو رفيق
درب الشباب وشايل همومهم فالولد النظيف يكعد الصبح يسبح وبعدين يحط
شوية جل حتى يسوي سبايكي وشكم شعراية واكفة…
والشاب الوصخ وشعره مدهن يجيب ويلطخ جل فوق الوصخ حتى يصير
صماخه ابو لمعة ويا مكثرهم….
والجل اله شروطه المهمه ومن اهمها انه اذا وصلت علبة الجل للنص لازم
لازم يشترون علبة لخ والاتصير مصيبه جبيره..
واذا واحد من اخوانه الاعزاء ما التزم بهذا الشرط الجوهري فهو راح يتحمل
العواقب وذنبك على جنبك لان مستحيل يطلع لراس الشارع حتى يشتري بدون
ميحط السائل المخاطي العجيب على راسه فراح يلجأ للحل الخاص بحالات الطوارئ
ويركض للمطبخ ويدور على تنكة الدهن وياخذ شوية ويدهن راسه
وهو دهن الحصة ابن عم الجل يعني ماكو فرق بين الكرايب بس الدهن يحتاج له
رشه عطر وانت وحظك لو يسيح لو يطلع دهن مستورد..
هذا كله في سبيل ليفقد لقب " شاب مجلجل "
وعلى كولة الشاعر..
كل شي في سبيل الجل يهون
حتى لو جان دهن ومعجون
امشي بالشارع وادلل
لانك شاب مجلجل
هع [/size]
موضوع: ماهو الجل ..... وما اهميتهه 
